No 6239
Wednesday 19 October 2011
Vol cxlii No 4
pp. 71–80
The Common Seal of the University was, in the presence of the Vice-Chancellor and of the Registrary, affixed, under authority of Statute A, Chapter I, section 2, to the instrument of election of Lord Sainsbury of Turville, K, M.A., LL.D. (Hon.), Hon. FRS, Hon. FREng, Hon. FMedSci, to the office of Chancellor of the University in the following form:
OMNIBVS Christi fidelibus ad quos hoc praesens scriptum peruenerit Leszek Krzysztof Borysiewicz, eques auratus, Magister in Artibus, Vniuersitatis Cantabrigiensis Procancellarius, Doctores, Magistri, et Scholares eiusdem Vniuersitatis salutem in Domino sempiternam.
Sciatis quod nos praefati Procancellarius, Doctores, Magistri, et Scholares dictae Vniuersitatis David John Baronem Sainsbvry de Tvrville, Magistrum in Artibus, Doctorem in Iure honoris causa adscitum, cuius notissimis de uirtutibus et probata in nos benignitate et beneuolentia merito confidimus, ad munus siue officium Cancellariatvs Vniuersitatis Cantabrigiensis nominauimus, elegimus, constituimus, et declarauimus, et eundem per praesentes nominamus, constituimus, et declaramus Cancellarivm; habendum, tenendum, fruendum, et exercendum dictum munus siue officium Cancellarii praedicti una cum omnibus suis priuilegiis, honoribus, et emolumentis ad idem munus siue officium pertinentibus et spectantibus iuxta statuta, leges, et consuetudines Vniuersitatis Cantabrigiensis, tam libere et honorifice et tam amplis modo et forma prout aliquis alius praedictum munus siue officium umquam habuerit uel tenuerit aut nos illud dare aut concedere possumus, humiliter et obnixe supplicantes ut praefatus David John Baro Sainsbvry de Tvrville praedictum munus siue officium ut testimonium nostrae in illum fidei fiduciaeque certissimum a nobis accipere atque nos et Vniuersitatem Cantabrigiensem et libertates et priuilegia eiusdem in clientelam et patrocinium suum suscipere dignetur.
In cuius rei testimonium has litteras nostras patentes fieri, et sigillum commune Vniuersitatis praedictae iisdem apponi fecimus septimo decimo die mensis Octobris anno regni Serenissimae Reginae ac Dominae nostrae Elizabethae Dei gratia Britanniarum Reginae, Fidei Defensoris, sexagensimo, annoque Domini bis millensimo undecimo.
J. W. NICHOLLS, Registrary
END OF THE OFFICIAL PART OF THE ‘REPORTER’